မှောင်၍မည်းသောည

ကျွန်မလမ်းလျှောက်နေသည် .. ညမှောင်မှောင် နှင်းစိုစိုထဲတွင် လမ်းမလယ်ခေါင်မှာ ကျွန်မတစ်ယောက်တည်း .. နံဘေးမှာ ယာဉ်တွေ ကားတွေ တစ်စင်းပြီးတစ်စင်းဖြတ်သွားနေကြသည် .. သို့သော်လည်း သူတို့လည်း သူတို့အလုပ် သူတို့ကိစ္စနှင့်မို့လို့လားမသိ .. ကျွန်မလမ်းမလယ်ခေါင်မှာလျှောက်နေတာကို ဘာမှအပြစ်မတင်ကြ .. ဒါပေါ့လေ ကျွန်မဖာသာကျွန်မလမ်းလျှောက်နေတာပဲ .. သူတို့ကိုဘာထိခိုက်နေလို့လဲ .. ကျွန်မလွတ်လပ်ခွင့်နဲ့ကျွန်မပဲ .. သူတို့ဘာမှမနစ်နာသွားလို့ပေါ့ .. ဒါ့ကြောင့်ဘာမှမပြောတာနေမှာပေါ့ .. သူတို့အနှောင့်အယှက်ဖြစ်အောင်ဒုက္ခပေးကြည့်ပါလား .. ကျွန်မကိုတစ်ခုခုပြောမှာပေါ့ ..

ဟုတ်ပါသည် .. ကျွန်မအခုမှအမှန်ကိုသိလာသည် .. ဘယ်သူမှဒုက္ခမလိုချင်ကြဘူး .. ဒါပေမဲ့ ကျွန်မက ဒုက္ခပေးတတ်တဲ့သူများလား .. သူများအနှောင့်အယှက်ဖြစ်အောင် ကျွန်မလုပ်သလား .. မသိပါ .. တစ်ယောက်ယောက်ထိခိုက်အောင် ကျွန်မလုပ်သလား .. မမှတ်မိပါ .. ကိုက်ခဲနာကျင်နေသော ဦးနှောက်တစ်လုံး .. ဟင်းလင်းပြင်ဖြစ်နေသော နှလုံးသား .. နိမ့်ဆင်းနေသောစိတ်ဓါတ်နှင့် အတူလမ်းလျှောက်လာသောကျွန်မသည် အရှုံးသမားများလား .. ကျွန်မမရှုံးချင်ဘူး .. ဟင့်အင်း ဘာမှမရှုံးချင်ပါဘူးကွယ် .. ပြိုင်ပွဲများတွင်မရှုံးချင်သကဲ့သို့ ကျွန်မပိုင်ဆိုင်သောပစ္စည်းမှန်သမျှကိုလည်း မဆုံးရှုံးချင်ပါ .. အနိုင်မရပဲ ဆုံးရှုံးရတာ ဘာမှမကောင်းပါ ..

သို့သော်လည်း ကျွန်မအကုန်ရှုံးနိမ့်ခဲ့ပြီဖြစ်ပါသည် .. ပစ္စည်းဥစ္စာ .. အလုပ် .. ငွေ .. မာန .. ချစ်သူ .. သူငယ်ချင်း .. မိသားစု .. .. ကျွန်မတွင်ဘာမှမကျန်တော့ပါ .. အခွံသက်သက်နှင့်လူသာဖြစ်ပါသည် .. ဒါပေမဲ့ ကျွန်မပေါ့ပါးနေသလိုပဲ .. ရှိသမျှဝန်ထုပ်ဝန်ပိုးလည်း အခုတော့မရှိတော့ပြီမို့ ကျွန်မလွတ်လပ်ပေါ့ပါးနေသည် .. ဒါကဘာလဲ ရှုံးနိမ့်ခြင်းရဲ့အရသာလား .. စိတ်၏ပေါ့ပါးခြင်း ကိုယ်၏ပေါ့ပါးခြင်းအပြည့်နှင့် ကျွန်မလမ်းလျှောက်နေသည် .. ယခင်က တစ်ခါမှမလျှောက်ခဲ့ဖူးသောပုံစံဖြင့် ကျွန်မလမ်းလျှောက်နေသည် ..

လ၏ မှုန်ဖျဖျအလင်းရောင်က ကျွန်မပေါ်သို့ဖြာကျနေခဲ့သည် .. ထိုမြင်ကွင်းကို မျက်လုံးထဲမြင်လာရင်း ပြုံးမိပါသည် .. သိပ်ကိုလှနေမှာပဲ .. အရင်ဆိုတွေးမိမှာမဟုတ်ပါ .. လကို ဖျတ်ကနဲမော့ကြည့်ရင်း တစ်စုံတစ်ယောက်ကို သတိရမိသည် .. ကျွန်မသိပ်ကို ကဗျာဆန်နေပြီလား .. နေပါစေလေ .. စိတ်ကိုအဆုံးထိလွှတ်ထားပေးလိုက်တော့ပါမည် .. ကျွန်မလျှောက်လာတာ ဘယ်နှနာရီလောက်ရှိပြီလဲ .. မတွေးတော့ပါဘူးလေ .. ရှိပါစေ .. အခုကျွန်မအတွက် အချိန်တွေမလိုတော့ပါဘူး .. မြို့ပြအရိပ်အောက်မှ ထွက်ခွာလာသောအခါ လ၏ မှုန်ဖျဖျအလင်းလည်း မရှိတော့ပါ .. တိမ်များဖုံးအုပ်ကာ မှောင်မည်းလျက်သာရှိတော့သည် .. ကျွန်မမကြောက်တတ်တော့ပါ .. ယခင်ဆိုကျွန်မက အမှောင်ကို အလွန်ကြောက်ပါသည် .. ယခုကျွန်မမကြောက်ပါ .. ကျွန်မရဲဝင့်စွာဖြင့် ဆက်လျှောက်နေပါသည် ..

တဖြည်းဖြည်း အမှောင်ထုက နက်နဲသိပ်သည်းလာသည် .. ည၏အလှဆိုသည်မှာလည်း မရှိပါ .. မှောင်မည်းအကျည်းတန်လျက်သာရှိပါသည် .. ကျွန်မချမ်းလာသည် .. ကျွန်မတောတစ်ခုထဲကို ရောက်လာပြီ .. ရုပ်ရှင်များနှင့်အိပ်မက်များတွင်သာ မြင်ခဲ့ဖူးသော တောနက်တစ်ခုလိုမျိုးဖြစ်သည် .. တောထဲရောက်လေ စိမ့်ကာအေးလာလေ .. အေးခဲပြီးသေသွားတော့မှာပဲ .. အို ဘာအရေးကြီးလဲ အခုမသေလည်း နောက်သေရမှာပဲမဟုတ်လား .. မှောင်မည်းနေသောညတွင် ကျွန်မစမ်းတ၀ါးဝါးနှင့်လမ်းလျှောက်နေသည် ..

ငှက်တစ်ကောင်၏အော်သံကို ကျွန်မကြားရသည် .. မကြားချင်ဘူး မကြားချင်ဘူး .. ကျွန်မကို လှောင်နေသောအသံများလား .. ငါမရှုံးသေးဘူး .. ငါမရှုံးချင်ဘူး .. တောအုပ်ထဲတွင် ကျွန်မလမ်းပျောက်နေပြီ .. အစကတည်းက ဘယ်သွားမယ်မှန်းမသိပဲ ထွက်လာမိသည့်ခရီးမှာ လမ်းပျောက်သည်ဆိုတာကတော့ ရီစရာကောင်းနေသည် .. သို့သော် ကျွန်မဒီတောကြီးထဲက ထွက်သွားချင်နေပြီ .. တစ်ယောက်ယောက်ကူညီပါဦး .. ကြောက်လန့်စွာအော်နေသော်လည်း ကျွန်မအသံမှအပ တခြားအသံမကြားရ .. သစ်ရွက်လေတိုးသံကို ကြိုက်နှစ်သက်ခဲ့ဖူးသောကျွန်မသည် ယခုတော့ ထိုအသံကို ကြောက်လန့်နေခဲ့သည် .. သွားမှဖြစ်မယ် .. မနေချင်ဘူး .. ကျွန်မမြို့ပြကိုပဲ နှစ်သက်တယ် .. ကျွန်မနဲ့ကိုက်ညီတာ မြို့ပြပဲ .. ဒီတောအုပ်မဟုတ်ပါ .. ကြောက်လန့်စွာဖြင့် ကျွန်မလျှောက်သွားနေမိပြန်သည် ..

လမ်းကိုရှာရင်း ကျွန်မမျက်စိရှေ့မှ အရိပ်တစ်ခုဖြတ်ပြေးသွားတာ မြင်တွေ့လိုက်ရသည် .. လူရိပ်နှင့်တူသလိုပဲ .. လူပဲ သေချာပါတယ် .. ၀မ်းသာစွာဖြင့် ကျွန်မသူ့နောက်လိုက်သည် .. သူသွားတာမြန်လွန်းလှသည် .. မြူတွေကလည်း ဘာလို့အဲလောက်ကျနေရတာလဲ .. ကျွန်မကောင်းစွာမမြင်ရပါ .. အရာအားလုံးအုပ်ဆိုင်းနေသည် .. ဘယ်ရောက်သွားပြီလဲ .. မသွားပါနဲ့ ကျွန်မကိုခေါ်ထုတ်သွားပါဦး .. ခလုတ်တိုက်လဲပြိုကျရင်း ကျွန်မသူ့ကို ရှာသည် .. မတွေ့ရတော့သောအခါ ကျွန်မအားငယ်စွာဖြင့် ငိုမိပြန်သည် .. ငိုရင်းနှင့်ဆက်ရှာသည် .. မတွေ့တော့ပါ .. မျှော်လင့်ချက်ဖြင့် တောနက်ထဲတွင် ကျွန်မလမ်းလျှောက်နေခဲ့သည် ..

ထို့နောက်တွင်တော့ ကျွန်မမောလာသည် .. ပင်ပန်းလှပြီ နားပါရစေဦး .. သစ်ပင်တစ်ပင်၏ပင်စည်ကိုမှီကာ ကျွန်မအရုပ်ကြိုးပြတ်ထိုင်ချလိုက်သည် .. တိမ်ထုအောက်မှလကို ငေးကြည့်ကာ ကျွန်မမျက်တောင်တွေမှေးစင်းလာသည် .. အိပ်တော့မယ် တောအုပ်မကလို့ ငရဲပဲရောက်နေနေ အခုအိပ်လိုက်ဖို့တော့လိုအပ်နေပြီ .. အိပ်ရာကနိုးမှပဲ ဆက်သွားတော့မည် .. သစ်ရွက်လေတိုးသံ ငှက်အော်သံ မလင်းသောလရောင်နှင့် မှောင်၍မည်းသောညတွင် ကျွန်မတဖြည်းဖြည်းအိပ်ပျော်သွားလေသည် ..
..........